كيفاش تتحصلوا على عجينة خفيفة؟

كيفاش تتحصلوا على عجينة خفيفة؟

الخَبز حاجة ساهلة ماهلة ! بصّح الأواني الجيّدة والمكونات العالية الجودة ما تكفيش لوحدها ، فالنصائح الصغيرة تلعب هي تاني دورفي هاد رمضان, سقسينا بعض المؤثرين على أسرارهم. اكتشفوا اليوم نصيحة عابد سمير.

كي نحضرو عجينة اللّي لازم تخمر ، النتيجة ما تكونش دائما مثالية و تقدر تفتقد للهشاشة و الخفّة اللي نحبوها كامل.

باش تخرجلكم العجينة كيما تحبوها بالضبط ، عابد سمير عنده نصيحة ساهلة كي الماء ! فهو يستعمل الماء الدافي عند العجين و النتيجة رايحة تفاجئكم.

بعدما تحضري عجينتك كي العادة ، قمي برش القليل من الماء الدافئ واعجني باستخدام قبضتي اليد المغلقتين. بعد ما يدخل الماء كلّيا ، لمّي العجينة و كرّري العملية مرّتين. هاد الطريقة رايحة تسمح للماء بالتغلغل بسهولة أكبر.

بمجرد الحصول على عجينة ما تلصقش في أصابعك ، أضيفي ملعقة زبدة واعجني حتى تصبح ناعمة وجاهزة للاختمار.

النتيجة رايحة تكون رائعة !